接近四時正, 我跟着老人院職員, 走上這間老人院的二樓, 準備看我今天要覆診的最後一位病人。
面前的婆婆已 96歲了! 她躺在床上, 眼望着我。根據紀錄, 她不能走動, 勉強只能坐在床邊一會兒。
「婆婆你叫乜嘢名呀? 」通常這是我的開場白。
「乜嘢呀? 你係邊個? 」婆婆似乎聽力不是太好。
「我係醫生呀! 」我俯身在她耳邊大聲說。
「係唔係我大仔呀? 」婆婆伸手摸摸我的手背。
「唔係呀, 係醫生呀! 」老人院職員幫我回答她。
或許疫情之下, 婆婆也很久沒有見過兒子, 一時認錯了。
「有無唔舒服呀？」我又在她耳邊大叫。
「。。。」她完全不明白我說什麼。
症狀問不了, 就要檢查一下看看有没有問題。我把聽筒先放在婆婆的左上胸前。。。
咦? 為什麼好像有點東西突了出來? 我用手在婆婆衛衣上一摸, 有點硬呢。。。
會不會是乳癌? 不時也會在無意間發現這個問題, 我當然要提高警覺！
我拉低一點婆婆的衛衣嘗試看清楚。。。
一看, 原來突起來的是個銀包!
婆婆竟然珍而重之地把銀包放在胸前衛衣底下!
我望着老人院職員笑了一笑。
「佢怕人偷佢啲嘢嘛。」職員說。
「咁裏面係咪真係有錢㗎? 我追問。
「都有少少㗎。」職員答道。
安全感嘛! 錢財還是留在身旁最好, 對老友記而言, 當然安心最重要!
Search